مقدرتش انسى هواك
أو يوم قضيته معاك
مقدرتش انساكى
واشتقت للقاكى
قلبى وبات باكى
ينده على ذكراك
وقلت يوم هانسى
يلقى الغريق مرسى
ورجعت من همسة
احلف واقول اهواك
مقدرتش انسى هواك
-----*-----*------
يوم الوداع قلنا
للحب مش راجعيين
ومشينا سكتنا
والدمع مالى العين
والسهد بكانى
والبعد خلانى
ارجع وادوب تانى
مشتاق وكلى حنين
-----*-----*------
حاولت مقدرتش
حبك سكن قلبى
قربت مبعدتش
وجيت بشوق حبى
حاولت وكفاية
حبك ماله نهاية
ساكن هنا معايا
وازاى راح اخبى؟
-----*-----*------
وأنت بعيد عنى
عشت الليالى وحيد
قمرى مخاصمنى
ونجومى غايبة بعيد
وفضلت طول ليلى
ابعت مواويلى
تحكى عذاب ويلى
والسهد والتنهيد
-----*-----*------
كان صعب انساكى
مين ينسى الجنة
وأنا هنا معاكى
إيه تانى اتمنى؟
غلطة وسامحينى
بالحب ضمينى
لما تصالحينى
هلقى الوجود غنى